“Apple” компани өнгөрсөн долоо хоногийн баасан гаригт дэлхийн томоохон хотуудад “iPhone 5” гар утсаа худалдаанд гаргасан билээ. Энэхүү утас техникийн үзүүлэлтээр “Sumsung” компанийн “Galaxy S3” утсанд төдийлөн хүрэхгүй байгаа нь танилцуулгын дараа тодорхой болсон юм.

Гэхдээ бат бөх чанарын хувьд “Хазуулсан алим”-ын гар утас илүү болохыг нэгэн хэрэглэгч баталж чадсан байна. Тэрбээр Хонконгод “iPhone 5” утас худалдаанд гарсан даруй “Galaxy S3”-тай харьцуулж туршилт хийсэн аж. Хүмүүс санаандгүй байдлаар гар утсаа унагаах тохиолдол элбэг байдаг. Түүний туршилтад “iPhone 5” утас ялалт байгуулжээ.